ຜະລິດຕະພັນ & ບໍລິການລູກຄ້າທຸລະກິດບັນຊີເງິນຝາກ

ບັນຊີເງິນຝາກ

ປັດຈຸບັນ, ທະນາຄານ ເອຊີລີດາ ລາວ ໃຫ້ບໍລິການບັນຊີເງິນຝາກດັ່ງນີ້:

ເງື່ອນໄຂການເປີດບັນຊີ

ບຸກຄົນທີ່ຖືກຕ້ອງຕາມກົດໝາຍ ແລະ ມີອາຍຸ 15 ປີຂຶ້ນໄປ
ບໍລິສັດທີ່ຖືກຕ້ອງຕາມກົດໝາຍ (ບໍລິສັດ, ອົງການຈັດຕັ້ງ, ໂຄງການພັດທະນາ, ພະແນກ, ກະຊວງຂອງລັດ ແລະ ອື່ນໆ)

ບັນຊີສ່ວນບຸກຄົນ

ບຸກຄົນທີ່ຖືສັນຊາດລາວ

ບັດປະຈຳຕົວ ທີ່ຍັງມີອາຍຸການນຳໃຊ້ ຫຼື;
ໜັງສືຜ່ານແດນ (Passport) ທີ່ຍັງມີອາຍຸການນຳໃຊ້ຢ່າງໜ້ອຍ 03 ເດືອນ ນັບຈາກມື້ຮັບເອກະສານ ຫຼື;
ສຳມະໂນຄົວ (ມີຮູບຕິດ ແລະ ກາປະທັບຈາກ ປກສ, ຖ້າບໍ່ມີຮູບຕິດ ແລະ ກາປະທັບຈາກ ປກສ ແມ່ນຕ້ອງເຮັດໃບຢັ້ງຢືນທີ່ຢູ່ເຊັນຈາກອຳນາດການປົກຄອງບ້ານມາຄັດຕິດເພີ່ມ);
ສຳລັບນັກບວດ, ແມ່ຂາວ: ໜັງສືສຸດທິ ຫືຼື ບັດປະຈຳຕົວ ທີ່ຍັງມີອາຍຸການນຳໃຊ້ ຫຼື ສຳມະໂນຄົວສົງ ທີ່ມີຮູບຕິດ ຫຼື ໜັງສືຜ່ານແດນ ທີ່ຍັງມີອາຍຸການນຳໃຊ້ຢ່າງໜ້ອຍ 03 ເດືອນ ນັບຈາກມື້ຮັບເອກະສານ;
ໜັງສື ຫຼື ເອກະສານທີ່ມີລາຍມື ຫຼື ລາຍເຊັນ ຂອງຜູ້ມອບອຳນາດ ແລະ ຜູ້ທີ່ຖືກມອບໝາຍໃຫ້ມາເຮັດທຸລະກຳ ຫຼື ສ້າງສາຍພົວພັນທຸລະກິດແທນ;

ບຸກຄົນທີ່ຖືສັນຊາດຕ່າງປະເທດ ຫຼື ຄົນຕ່າງດ້າວ

ໜັງສືຜ່ານແດນທີ່ລັດຖະບານເຈົ້າຂອງສັນຊາດອອກໃຫ້ ທີ່ຍັງມີອາຍຸການນຳໃຊ້ຢ່າງໜ້ອຍ 03 ເດືອນ ນັບຈາກມື້ຮັບເອກະສານ ແລະ ຄັດຕິດມາພ້ອມເອກະສານດັ່ງລຸ່ມນີ້:

ບັດປະຈຳຕົວຄົນຕ່າງດ້າວ ທີ່ມີອາຍຸການນຳໃຊ້ (ກໍລະນີບຸກຄົນທີ່ມາຕັ້ງຖິ່ນຖານໃນ ສປປ ລາວ ຍາວນານ) ຫຼື;
ສຳມະໂນຄົວຕ່າງດ້າວ (ຖ້າບໍ່ມີຮູບຕິດ ແລະ ກາປະທັບຈາກ ປກສ ແມ່ນຕ້ອງເຮັດໃບຢັ້ງຢືນທີ່ຢູ່ເຊັນຈາກອຳນາດການປົກຄອງບ້ານມາຄັດຕິດເພີ່ມ) ກໍລະນີບຸກຄົນທີ່ມາຕັ້ງຖິ່ນຖານໃນ ສປປ ລາວ ຍາວນານ ຫຼື;
ບັດອະນຸຍາດພັກເຊົາ (Stay Permit) ທີ່ອອກໂດຍກົມຕໍາຫຼວດຄຸ້ມຄອງຄົນຕ່າງປະເທດ ຫຼື;
ບັດອະນຸຍາດເຮັດວຽກ (Work permit) ທີ່ອອກໂດຍກະຊວງແຮງງານ ແລະ ສະຫວັດດີການສັງຄົມ ຫຼື;
ບັດນັກການທູດ ອອກໂດຍກະຊວງການຕ່າງປະເທດ;

ໜັງສື ຫຼື ເອກະສານທີ່ມີລາຍມື ຫຼື ລາຍເຊັນພ້ອມທັງຂຽນຊື່ຂອງຜູ້ມອບອຳນາດ ແລະ ຜູ້ທີ່ຖືກມອບໝາຍໃຫ້ມາເຮັດທຸລະກຳ ຫຼື ສ້າງສາຍພົວພັນທຸລະກິດແທນ;

ໝາຍເຫດ: ການເປີດບັນຊີໃຫ້ເດັກທີ່ມີອາຍຸ 15 ຫາຕຳ່ກວ່າ 18 ປີ ຕ້ອງມີການຮັບປະກັນຈາກຜູ້ປົກຄອງ, ສຳລັບເດັກທີ່ມີອາຍຸຕຳ່ກວ່າ 15 ປີ ຕ້ອງມີຜູ້ປົກຄອງຮ່ວມບັນຊີ

ບັນຊີນິຕິບຸກຄົນ ແລະ ວິສາຫະກິດສ່ວນບຸກຄົນ

ໃບທະບຽນວິສາຫະກິດ ແລະ ເລກທີທະບຽນວິສາຫະກິດ ທີ່ຍັງບໍ່ໝົດກຳນົດເວລານຳໃຊ້;
ໃບອະນຸຍາດດຳເນີນທຸລະກິດ ແລະ ເລກທີໃບອະນຸຍາດດຳເນີນທຸລະກິດ ທີ່ຍັງບໍ່ໝົດກຳນົດເວລາການນຳໃຊ້;
ເລກທີໃບທະບຽນອາກອນ ແລະ ໃບແຈ້ງເສຍອາກອນ ປີລ່າສຸດ;
ໃບສະເໜີຂໍເປີດບັນຊີໂດຍລະບຸຈຸດປະສົງການເປີດບັນຊີທີ່ເຊັນໂດຍຜູ້ມີອຳນາດຂອງນິຕິບຸກຄົນ;
ໃບມອບສິດ ຫຼື ໃບແຕ່ງຕັ້ງຕົວແທນ ມີລາຍໂປ້ມື ຫຼື ລາຍເຊັນພ້ອມທັງຊື່ ແລະ ຕາປະທັບ ຂອງຜູ້ມອບສິດ ແລະ ຜູ້ຖືກມອບໝາຍ ເພື່ອມາດໍາເນີນການເປີດບັນຊີເງິນຝາກໃໝ່;
ໜັງສື ຫຼື ເອກະສານຂໍ້ຜູກມັດໃດໜຶ່ງ ແລະ ລາຍຊື່ຜູ້ທີ່ມີຕຳແໜ່ງບໍລິຫານຂອງນິຕິບຸກຄົນ ແລະ ຜູ້ທີ່ມີການຕົກລົງກັນທາງດ້ານກົດໝາຍ;
ເອກະສານແຕ່ງຕັ້ງ ຫຼື ຂໍ້ຕົກລົງແຕ່ງຕັ້ງ ຜູ້ມີສິດເພື່ອເຄື່ອນໄຫວບັນຊີເງິນຝາກ;
ເອກະສານຢັ້ງຢືນຕົວຕົນຂອງບຸກຄົນຜູ້ມີສິດເຄື່ອນໄຫວບັນຊີ ແລະ ຜູ້ຮັບມອບສິດມາເປີດບັນຊີເງິນຝາກ

ການຈັດຕັ້ງ

ໃບອະນຸຍາດ
ໃບສະເໜີຂໍເປີດບັນຊີໂດຍລະບຸຈຸດປະສົງການເປີດບັນຊີ ທີ່ເຊັນໂດຍຜູ້ມີອຳນາດຂອງການຈັດຕັ້ງ;
ໃບມອບສິດ ຫຼື ໃບແຕ່ງຕັ້ງຕົວແທນ ມີລາຍໂປ້ມື ຫຼື ລາຍເຊັນພ້ອມທັງຊື່ ແລະ ຕາປະທັບ ຂອງຜູ້ມອບສິດ ແລະ ຜູ້ຖືກມອບໝາຍ ເພື່ອມາດໍາເນີນການເປີດບັນຊີເງິນຝາກໃໝ່;
ເອກະສານແຕ່ງຕັ້ງ ຫຼື ຂໍ້ຕົກລົງແຕ່ງຕັ້ງ ຜູ້ມີສິດເຄື່ອນໄຫວບັນຊີເງິນຝາກ;
ເອກະສານຢັ້ງຢືນຕົວຕົນຂອງບຸກຄົນຜູ້ມີສິດເຄື່ອນໄຫວບັນຊີ ແລະ ຜູ້ຮັບມອບສິດມາເປີດບັນຊີເງິນຝາກ

ອົງການບໍ່ຫວັງຜົນກຳໄລ

ໃບສະເໜີຂໍເປີດບັນຊີໂດຍລະບຸຈຸດປະສົງການເປີດບັນຊີ ທີ່ເຊັນໂດຍຜູ້ມີອຳນາດຂອງອົງການຈັດຕັ້ງທີ່ກ່ຽວຂ້ອງ;
ໃບອະນຸຍາດເຄື່ອນໄຫວໃນຮູບແບບ ອົງການບໍ່ຫວັງຜົນກຳໄລ;
ສຳເນົາໃບຂຶ້ນທະບຽນ ແລະ ໃບອະນຸຍາດເຄື່ອນໄຫວກິດຈະກຳ ຫຼື ກິິດຈະການຈາກພາກສ່ວນກ່ຽວຂ້ອງຂອງລັດຖະບານ;
ໃບມອບສິດ ຫຼື ໃບແຕ່ງຕັ້ງຕົວແທນ ມີລາຍໂປ້ມື ຫຼື ລາຍເຊັນພ້ອມທັງຊື່ ແລະ ຕາປະທັບ ຂອງຜູ້ມອບສິດ ແລະ ຜູ້ຖືກມອບໝາຍ ເພື່ອມາດໍາເນີນການເປີດບັນຊີເງິນຝາກໃໝ່;
ເອກະສານແຕ່ງຕັ້ງຜູ້ບໍລິຫານ ຫຼື ຂໍ້ຕົກລົງແຕ່ງຕັ້ງ ຜູ້ມີສິດເຄື່ອນໄຫວບັນຊີເງິນຝາກ;
ເອກະສານຢັ້ງຢືນຕົວຕົນຂອງບຸກຄົນຜູ້ມີສິດເຄື່ອນໄຫວບັນຊີ ແລະ ຜູ້ຮັບມອບສິດມາເປີດບັນຊີເງິນຝາກ

ສະຖາບັນການເງິນ, ທະນາຄານທຸລະກິດ ທີ່ມີສຳນັກງານຕັ້ງຢູ່ ສປປ ລາວ

ໃບທະບຽນວິສາຫະກິດ ແລະ ເລກທີທະບຽນວິສາຫະກິດ ທີ່ຍັງບໍ່ໝົດກຳນົດເວລານຳໃຊ້
ໃບອະນຸຍາດດຳເນີນທຸລະກິດ ແລະ ເລກທີໃບອະນຸຍາດດຳເນີນທຸລະກິດ ທີ່ຍັງບໍ່ໝົດກຳນົດເວລາການນຳໃຊ້ ອອກໂດຍ ທະນາຄານແຫ່ງ ສປປ ລາວ ຫຼື ກະຊວງການເງິນ;
ໃບທະບຽນອາກອນ ແລະ ເລກທີໃບທະບຽນອາກອນ ທີ່ຍັງບໍ່ໝົດກຳນົດເວລາການນຳໃຊ້;
ໃບສະເໜີຂໍເປີດບັນຊີທີ່ເຊັນໂດຍຜູ້ມີອຳນາດຂອງສະຖາບັນການເງິນ ຫຼື ທະນາຄານທຸລະກິດ;
ໃບມອບສິດ ຫຼື ໃບແຕ່ງຕັ້ງຕົວແທນ ມີລາຍໂປ້ມື ແລະ ລາຍເຊັນພ້ອມທັງຊື່ ແລະ ຕາປະທັບ ຂອງຜູ້ມອບສິດ ແລະ ຜູ້ຖືກມອບໝາຍ ເພື່ອມາດໍາເນີນການເປີດບັນຊີເງິນຝາກໃໝ່;
ເອກະສານແຕ່ງຕັ້ງຜູ້ບໍລິຫານ ຫຼື ຂໍ້ຕົກລົງແຕ່ງຕັ້ງ ຜູ້ມີສິດເຄື່ອນໄຫວບັນຊີເງິນຝາກ;
ເອກະສານຢັ້ງຢືນຕົວຕົນຂອງບຸກຄົນຜູ້ມີສິດເຄື່ອນໄຫວບັນຊີ ແລະ ຜູ້ຮັບມອບສິດມາເປີດບັນຊີເງິນຝາກ