ຜະລິດຕະພັນ & ບໍລິການລູກຄ້າທຸລະກິດເງິນຝາກບັນຊີຝາກສະສົມເພື່ອການສຶກສາ

ບັນຊີຝາກສະສົມເພື່ອການສຶກສາ

ທະນາຄານ ເອຊີລີດາ ລາວ ມີຄວາມຍິນດີນຳສະເໜີບໍລິການບັນຊີເງິນຝາກຮູບແບບໃໝ່ທີ່ມີຊື່ວ່າ: ບັນຊີຝາກສະສົມເພື່ອການສຶກສາ ເຊິ່ງທະນາຄານ ເອຊີລີດາ ລາວ ເຮັດໜ້າທີ່ໃນການດູແລຮັກສາ ແລະ ຈັດການເງິນສົດໃຫ້ກັບບຸກຄົນ ຫຼື ອົງກອນທີ່ນຳມາຝາກເພື່ອຈຸດປະສົງນຳໃຊ້ເຂົ້າໃນຄ່າໃຊ້ຈ່າຍຂອງການສຶກສາເຊັ່ນ: ຄ່າເທີມ ແລະ/ຫຼື ອຸປະກອນການຮຽນ ຂອງເຈົ້າຂອງບັນຊີ, ສະມາຊິກຄອບຄົວ, ຍາດພີ່ນ້ອງ, ພະນັງການຂອງຕົນ ຫຼື ບຸກຄົນທີສາມ

ເຈົ້າຂອງບັນຊີ ຫຼື ບຸກຄົນທີສາມສາມາດຝາກເງິນເຂົ້າບັນຊີໄດ້ເພື່ອນຳໃຊ້ເປັນຄ່າໃຊ້ຈ່າຍເຂົ້າໃນການສຶກສາຂອງຜູ້ຮັບຜົນທຸກຄົນໂດຍອີງຕາມຈຳນວນເງິນຕົວຈິງທີ່ລະບຸໃນໃບບິນ ແລະ ເງື່ອນໄຂທີ່ລະບຸໃນຂໍ້ກຳນົດ ແລະ ເງື່ອນໄຂຂອງບັນຊີຝາກສະສົມເພື່ອການສຶກສາຂອງທະນາຄານ ເອຊີລີດາ

ຜົນປະໂຫຍດ

ມີຄວາມປອດໄພສຳລັບການດູແລຮັກສາ ແລະ ຈັດການເງິນສຳລັບຄ່າໃຊ້ຈ່າຍໃນການສຶກສາຂອງເຈົ້າຂອງບັນຊີ, ສະມາຊິກຄອບຄົວ, ຍາດພີ່ນ້ອງ ຫຼືບຸກຄົນທີສາມ (ຜູ້ຮັບຜົນ)
ມີລາຍຮັບເພີ່ມຈາກອັດຕາດອກເບ້ຍ
ມີຄວາມພ້ອມທາງດ້ານງົບປະມານ ແລະ ຄ່າໃຊ້ຈ່າຍສຳລັບແຜນການສຶກສາຂອງທ່ານເອງ, ຄົນໃນຄອບຄົວ, ຍາດພີ່ນ້ອງ ຫຼື ບຸກຄົນທີສາມ

ຄຸນລັກສະນະພິເສດ

ເປັນບັນຊີທີ່ໃຊ້ປຶ້ມບັນຊີເງິນຝາກ ຫຼື ບັດຂໍ້ມູນບັນຊີລູກຄ້າ
ອັດຕາດອກເບ້ຍສູງກວ່າບັນຊີຝາກປະຢັດ
ຄິດໄລ່ດອກເບ້ຍທຸກວັນ ແລະ ມອບເຂົ້າບັນຊີທຸກໆ 6 ເດືອນ
ສາມາດປິດບັນຊີໄດ້ໂດຍອີງຕາມການຕົກລົງຂອງທຸກຝ່າຍທີ່ກ່ຽວຂ້ອງ
ການຝາກເງິນ: ນອກຈາກເຈົ້າຂອງບັນຊີແລ້ວ ຄົນໃນຄອບຄົວ, ຍາດພີ່ນ້ອງ, ອົງກອນ ຫຼື ສະຖາບັນກໍ່ສາມາດຝາກເງິນເຂົ້າບັນຊີໄດ້
ການຖອນເງິນ: ສາມາດເຮັດໄດ້ຕາມຈຸດປະສົງ ແລະ ເງື່ອນໄຂຂອງບັນຊີ, ແຕ່ໃນກໍລະນີການຖອນເງິນທີ່ບໍ່ກົງກັບຈຸດປະສົງຂອງບັນຊີ ທ່ານຈະຕ້ອງໄດ້ເສຍຄ່າທຳນຽມ

ຍອດເງິນໃນບັນຊີ

ບັນຊີຝາກສະສົມເພື່ອການສຶກສາຕ້ອງມີວົງເງິນເລີ່ມຕົ້ນຝາກ 200.000 ກີບ, ທຸກຄັ້ງທີ່ມີການຖອນເງິນອອກ ທ່ານຕ້ອງຮັກສາຍອດເງິນຕ່ຳສຸດໃນບັນຊີ 100.000 ກີບ

ອັດຕາດອກເບ້ຍ

ອັດຕາດອກເບ້ຍຂອງບັນຊີຝາກສະສົມເພື່ອການສຶກສາແມ່ນ 3,80% ຕໍ່ປີ. ຄິດໄລ່ດອກເບ້ຍທຸກວັນ ແລະ ມອບເຂົ້າບັນຊີທຸກໆ 6 ເດືອນ