ຜະລິດຕະພັນ & ບໍລິການດີຈິຕອລເອຊີລີດາໂມບາຍ

ເອຊີລີດາໂມບາຍ

(25 Ratings)

ທະນາຄານໃນມືຂອງທ່ານ. ທ່ານສາມາດເຮັດທຸລະກຳທຸກຢ່າງຜ່ານເອຊີລີດາໂມບາຍໄດ້ໂດຍບໍ່ເສຍຄ່າທຳນຽມໃດໆ.

ດາວໂຫຼດເອຊີລີດາໂມບາຍຈາກ:

ຜົນປະໂຫຍດ

ເຮັດທຸລະກຳທາງດ້ານທະນາຄານໄດ້ຢ່າງສະດວກສະບາຍ, ວ່ອງໄວ ແລະ ມີຄວາມປອດໄພສູງ
ຫຼຸດຄ່າໃຊ້ຈ່າຍ ແລະ ປະຢັດເວລາໂດຍບໍ່ຕ້ອງເຂົ້າມາທະນາຄານ
ສາມາດກວດຂໍ້ມູນບັນຊີ ແລະ ເຮັດການໂອນເງິນ, ຊຳລະ, ຕື່ມມູນຄ່າໂທ ຫຼື ຊຳລະຄ່າສິນຄ້າ-ບໍລິການຜ່ານຄິວອາໂຄດໂດຍການນຳໃຊ້ໂທລະສັບສ່ວນຕົວໄດ້ທຸກທີ່ ທຸກເວລາ
ຫຼຸດຜ່ອນຄວາມສ່ຽງຕໍ່ການຖືເງິນສົດເພື່ອມາຊໍາລະເຊັ່ນດຽວກັນກັບຄວາມສ່ຽງຂອງເງິນສົດເກີນ, ເງິນບໍ່ພໍ, ເງິນປອມ, ແລະ ອື່ນໆ
ສາມາດກວດຂໍ້ມູນຂອງທະນາຄານ ເອຊີລີດາ ເຊັ່ນ: ທີ່ຕັ້ງສຳນັກງານ, ອັດຕາແລກປ່ຽນ, ໂຄສະນາ, ຄຳຖາມ-ຄຳຕອບ, ເຄັດລັບຄວາມປອດໄພ, ການຊ່ວຍເຫຼືອ, ຂ່າວສານ ແລະ ອື່ນໆ.
ມີໂອກາດໄດ້ນຳໃຊ້ຜະລິດຕະພັນ-ການບໍລິການອື່ນໆຂອງທະນາຄານ
ໄດ້ຮັບຂໍ້ສະເໜີພິເສດຈາກຄູ່ຮ່ວມທຸລະກິດຂອງພວກເຮົາ

ການບໍລິການ

ກວດຍອດເງິນ ແລະ ການເຄື່ອນໄຫວຂອງບັນຊີ
ໂອນເງິນ

ບັນຊີຕົນເອງ

ບັນຊີວໍເລັດ
ບັນຊີທະນາຄນ

ໂອນໄປບັນຊີວໍເລັດ ຫຼື ເບີໂທລະສັບ
ໂອນໄປຫາບັນຊີທະນາຄານ

ໂອນຈາກບັນຊີວໍເລັດຫາບັນຊີທະນາຄານ
ໂອນຈາກບັນຊີທະນາຄານຫາບັນຊີທະນາຄານ

ຝາກເງິນ/ຖອນເງິນ

ຝາກເງິນເຂົ້າບັນຊີວໍເລັດຜ່ານປ່ອງບໍລິການ
ຖອນເງິນຈາກບັນຊີວໍເລັດ, ບັນຊີທະນາຄານທີ່ຜູກກັບເອຊີລີດາໂມບາຍ ຫຼື ຈາກເບີໂທລະສັບຜ່ານຕູ້ເອທີເອັມໂດຍບໍ່ໃຊ້ບັດ ຫຼື ປ່ອງບໍລິການ

ການຊຳລະເງິນ

ແບ່ງຈ່າຍໃບບິນ
ຊຳລະໃບບິນສາທາລະນຸປະໂພກ (ນ້ຳປະປາ, ໂທລະສັບ, ອິນເຕີເນັດ ແລະ ສິນເຊື່ອ)

ສະແກນຄິວອາໂຄດເພື່ອຊຳລະ

ຈ່າຍຜ່ານຄິວອາໂຄດ
ໂອນເງິນ P2P ດ້ວຍການສະແກນຄິວອາໂຄດ

ຕື່ມມູນຄ່າໂທ
ຊຳລະງວດສິນເຊື່ອ
ສະເໜີຂໍສິນເຊື່ອ
ກວດອັດຕາແລກປ່ຽນ, ທີ່ຕັ້ງສຳນັກງານ, ຂ່າວສານ, ຄວານຊ່ວຍເຫຼືອ, ເຄັດລັບຄວາມປອດໄພ ແລະ ອື່ນໆ
ຖອນເງິນດ່ວນ
ບໍລິການອື່ນໆ

ປະເພດໂທລະສັບ

ໂທລະສັບທຸກປະເພດທີ່ນຳໃຊ້ລະບົບປະຕິບັດການ iOS ແລະ Android ສາມາດເຊື່ອມຕໍ່ກັບບໍລິການເອຊີລີດາໂມບາຍໄດ້. ສຳລັບບຸກຄົນທີ່ຮັບເງິນໂອນຜ່ານເອຊີລີດາໂມບາຍສາມາດນຳໃຊ້ໂທລະສັບປະເພດໃດກໍ່ໄດ້.

ສະກຸນເງິນ

ບໍລິການເອຊີລີດາໂມບາຍສາມາດນຳໃຊ້ໄດ້ກັບສະກຸນເງິນກີບເທົ່ານັ້ນ
ຖ້າມີການເຮັດທຸລະກໍາໃດໆທີ່ເປັນສະກຸນເງິນອື່ນນອກຈາກສະກຸນເງິນຂອງບັນຊີ, ເງິນສະກຸນເງິນນັ້ນຈະຖືກປ່ຽນເປັນສະກຸນເງິນຂອງບັນຊີໂດຍອັດຕະໂນມັດຕາມອັດຕາແລກປ່ຽນຂອງທະນາຄານ ເອຊີລີດາ ລາວ ຈໍາກັດ

ເງື່ອນໄຂການລົງທະບຽນນຳໃຊ້ ເອຊີລີດາໂມບາຍ

ມີອາຍຸ 15 ປີຂຶ້ນໄປ
ມີໂທລະສັບມືຖືທີ່ໃຊ້ລະບົບ IOS ຫລື Android, Huawei ແລະ ເບີໂທລະສັບ
ຕ້ອງເຫັນດີ ແລະ ຮັບຜິດຊອບຕາມຂໍ້ກຳນົດ ແລະ ເງື່ອນໄຂຂອງ ເອຊີລີດາ ໂມບາຍ ທັງໝົດ
ມີເອກະສານປະຈໍາຕົວເຊັ່ນ:

ບຸກຄົນທີ່ຖືສັນຊາດລາວ

ບັດປະຈຳຕົວ ທີ່ຍັງມີອາຍຸການນຳໃຊ້ ຫຼື;
ໜັງສືຜ່ານແດນ (Passport) ທີ່ຍັງມີອາຍຸການນຳໃຊ້ຢ່າງໜ້ອຍ 03 ເດືອນ ນັບຈາກມື້ຮັບເອກະສານຫຼື;
ສຳມະໂນຄົວ (ມີຮູບຕິດ ແລະ ຕາປະທັບຈາກ ປກສ ຖ້າບໍ່ມີຮູບຕິດ ແລະ ຕາປະທັບຈາກ ປກສ ແມ່ນຕ້ອງເຮັດໃບຢັ້ງຢືນທີ່ຢູ່ເຊັນຈາກອຳນາດການປົກຄອງບ້ານມາຄັດຕິດເພີ່ມ);
ສຳລັບນັກບວດແມ່ຂາວ: ໜັງສືສຸດທິ ຫືຼື ບັດປະຈຳຕົວ ທີ່ຍັງມີອາຍຸການນຳໃຊ້ ຫຼື ສຳມະໂນຄົວສົງ ທີ່ມີຮູບຕິດ ຫຼື ໜັງສືຜ່ານແດນ ທີ່ຍັງມີອາຍຸການນຳໃຊ້ຢ່າງໜ້ອຍ 03 ເດືອນ ນັບຈາກມື້ຮັບເອກະສານ;
ໜັງສື ຫຼື ເອກະສານທີ່ມີລາຍໂປ້ມື ຫຼື ລາຍເຊັນ ຂອງຜູ້ມອບອຳນາດ ແລະ ຜູ້ທີ່ຖືກມອບໝາຍໃຫ້ມາເຮັດທຸລະກຳ ຫຼື ສ້າງສາຍພົວພັນທຸລະກິດແທນ;

ບຸກຄົນທີ່ຖືສັນຊາດຕ່າງປະເທດ ຫຼື ຄົນຕ່າງດ້າວ

ໜັງສືຜ່ານແດນທີ່ລັດຖະບານເຈົ້າຂອງສັນຊາດອອກໃຫ້ທີ່ຍັງມີອາຍຸການນຳໃຊ້ຢ່າງໜ້ອຍ 03 ເດືອນ ແລະ ຄັດຕິດມາພ້ອມເອກະສານດັ່ງລຸ່ມນີ້:

ບັດປະຈຳຕົວຄົນຕ່າງດ້າວ ທີ່ມີອາຍຸການນຳໃຊ້ (ກໍລະນີບຸກຄົນທີ່ມາຕັ້ງຖິ່ນຖານໃນ ສປປ ລາວ ຍາວນານ) ຫຼື;
ສຳມະໂນຄົວຕ່າງດ້າວ (ຖ້າບໍ່ມີຮູບຕິດ ແລະ ຕາປະທັບຈາກ ປກສ ແມ່ນຕ້ອງເຮັດໃບຢັ້ງຢືນທີ່ຢູ່ເຊັນຈາກອຳນາດການປົກຄອງບ້ານມາຄັດຕິດເພີ່ມ) ກໍລະນີບຸກຄົນທີ່ມາຕັ້ງຖິ່ນຖານໃນ ສປປ ລາວ ຍາວນານ ຫຼື;
ບັດອະນຸຍາດພັກເຊົາ (Stay Permit) ທີ່ອອກໂດຍກົມຕໍາຫຼວດຄຸ້ມຄອງຄົນຕ່າງປະເທດ ຫຼື;
ບັດອະນຸຍາດເຮັດວຽກ (Work permit) ທີ່ອອກໂດຍກະຊວງແຮງງານ ແລະ ສະຫວັດດີການສັງຄົມ ຫຼື;
ບັດນັກການທູດ ອອກໂດຍກະຊວງການຕ່າງປະເທດ;
ໜັງສືສຸດທິ (ສຳລັບພະສົງ).

ໜັງສື ຫຼື ເອກະສານທີ່ມີລາຍໂປ້ມື ຫຼື ລາຍເຊັນພ້ອມທັງຂຽນຊື່ຂອງຜູ້ມອບອຳນາດ ແລະ ຜູ້ທີ່ຖືກມອບໝາຍໃຫ້ມາເຮັດທຸລະກຳ ຫຼື ສ້າງສາຍພົວພັນທຸລະກິດແທນ;

ໝາຍເຫດ: ເດັກທີ່ມີອາຍຸ 15 ຫາຕຳ່ກວ່າ 18 ປີ ຕ້ອງມີການຮັບປະກັນຈາກຜູ້ປົກຄອງ

ການລົງທະບຽນນຳໃຊ້ເອຊີລີດາໂມບາຍ

ການລົງທະບຽນດ້ວຍຕົນເອງ

ທ່ານສາມາດລົງທະບຽນນຳໃຊ້ເອຊີລີດາໂມບາຍດ້ວຍຕົວເອງໂດຍການດາວໂຫຼດ ແລະ ຕິດຕັ້ງຈາກ App Store (iOS) ຫຼື Play Store (Andriod) ຫຼື AppGallery (Huawei)
ຫຼັງຈາກຕິດຕັ້ງແລ້ວ ເປີດແອັບພລິກເຄຊັ່ນຂຶ້ນມາແລ້ວກົດທີ່ປຸ່ມ "ລົງທະບຽນ"
ຕື່ມຂໍ້ມູນແຕ່ລະຂັ້ນຕອນໃຫ້ຖືກຕ້ອງ ແລະ ຊັດເຈນເຊັ່ນ: ເບີໂທລະສັບ, ຊື່, ເພດ, ວັນເດືອນປີເກີດ, ປະເພດເອກະສານຢັ້ງຢືນຕົວຕົນ, ທີ່ຢູ່ປັດຈຸບັນ ແລະ ຖ່າຍຮູບຂອງທ່ານ
ເຂົ້າມາທະນາຄານພ້ອມທັງຖືເອກະສານຂອງທ່ານມາພ້ອມເພື່ອຂໍອະນຸມັດການລົງທະບຽນ

ການລົງທະບຽນທີ່ທະນາຄານ

ທ່ານສາມາດເຂົ້າມາລົງທະບຽນທີ່ທະນາຄານໄດ້ ຖ້າຫາກທ່ານບໍ່ສາມາດດາວໂຫຼດ ແລະ ຕິດຕັ້ງແອັບເອຊີລີດາໂມບາຍ
ນຳເອົາໂທລະສັບສະມາດໂຟນທີ່ໃຊ້ Android ຫຼື iOS ແລະ ເບີໂທລະສັບມາພ້ອມ
ສະໜອງເອກະສານຢັ້ງຢືນຕົວຕົນເຊັ່ນ: ບັດປະຈຳຕົວ, ສຳມະໂນຄົວ, ໜັງສືຜ່ານແດນ (ທີ່ມີອາຍຸການນຳໃຊ້ຢ່າງໜ້ອຍ 3 ເດືອນ) ຫຼື ບັດພະສົງທີ່ມີຮູບຖ່າຍ

ການລົງທະບຽນຄູ່ຄ້າຂອງເອຊີລີດາໂມບາຍ ເພື່ອເກັບຄ່າທຳນຽມສິນຄ້າ ແລະ ການບໍລິການຜ່ານ ຄິວອາໂຄດ

ກະລຸນາເຂົ້າມາທີ່ສຳນັກງານທະນາຄານໄດ້ທຸກສາຂາ
ຕື່ມແບບຟອມຂໍລົງທະບຽນຄູ່ຄ້າເອຊີລີດາໂມບາຍ
ສະໜອງບັດປະຈຳຕົວ ຫຼື ເອກະສານຢັ້ງຢືນຕົວຕົນປະເພດອື່ນໆຄັດຕິດມາພ້ອມກັບຮູບຂອງຄູ່ຄ້າ
ມີທີ່ຢູ່ທີ່ຊັດເຈນຢູ່ໃນພື້ນທີ່ດໍາເນີນງານຂອງທະນາຄານ ເອຊີລີດາ ລາວ.

ການຝາກ-ຖອນເງິນຈາກບັນຊີວໍເລັດ

ການຝາກເງິນທີ່ປ່ອງບໍລິການ
ກະລຸນານຳເອົາໂທລະສັບສະມາດໂຟນ ແລະ ເບີໂທລະສັບຂອງທ່ານທີ່ຜູກກັບເອຊີລີດາໂມບາຍໄປທະນາຄານເພື່ອຝາກເງິນເຂົ້າບັນຊີວໍເລັດ. ທ່ານຈະໄດ້ຮັບ SMS, ເຊິ່ງຢືນຢັນຈໍານວນເງິນຝາກໃນໂທລະສັບຂອງທ່ານ.
ການຖອນເງິນທີ່ປ່ອງບໍລິການ
ທ່ານສາມາດຖອນເງິນຈາກບັນຊີວໍເລັດ ຫຼື ຖອນເງິນໂອນເຂົ້າເບີໂທລະສັບໄດ້ຢູ່ທຸກສຳນັກງານທະນາຄານ. ກະລຸນາໃຫ້ຂໍ້ມູນດັ່ງນີ້:

ເບີໂທລະສັບ ຫຼື ເລກບັນຊີວໍເລັດ
ຈຳນວນເງິນຕ້ອງການຖອນ
Gold Code ຫຼື ລະຫັດເອຊີລີດາໂມບາຍ (Gold Code ແມ່ນນຳໃຊ້ຖອນເງິນທີ່ໂອນເຂົ້າເບີໂທລະສັບ, ສ່ວນລະຫັດແມ່ນໃຊ້ຖອນເງິນຈາກບັນຊີວໍເລັດ)
ເລກ OTP ຈະຖືກສົ່ງໄປຫາເບີໂທລະສັບຂອງທ່ານຜ່ານທາງຂໍ້ຄວາມເພື່ອຢັ້ງຢືນທຸລະກຳ

ເງື່ອນໄຂການປ້ອງກັນ ແລະ ຮັກສາຄວາມປອດໄພ

ຫ້າມບັນທຶກລະຫັດໃສ່ວັດຖຸໃດໜຶ່ງ ແຕ່ຈື່ໄວ້ເພື່ອສະດວກໃນການນຳໃຊ້
ຫ້າມບອກລະຫັດໃຫ້ຄົນອື່ນຮູ້ ຫຼື ເຫັນລະຫັດໃນຂະນະນຳໃຊ້, ຕ້ອງໝັ້ນໃຈວ່າບໍ່ມີບຸກຄົນອື່ນເບິ່ງເຫັນໃນຂະນະທີ່ກຳລັງພິມລະຫັດ
ຫ້າມດາວໂຫຼດແອັບ ຫຼື ໂປຣແກລມຈາກແຫຼ່ງທີ່ບໍ່ຮູ້ຈັກ
ກວດເບິ່ງໂທລະສັບມືຖືເປັນປະຈຳ. ຖ້າພົບເຫັນແອັບພລິກເຄຊັນທີ່ບໍ່ຮູ້ຈັກໃຫ້ປິດທັນທີ ແລະ ລຶບມັນອອກເພື່ອຫຼີກເວັ້ນໄວຣັສ ຫຼື ແຮັກເກີ, ແລະ/ຫຼື ເອົາໄປທີ່ສູນບໍລິການໂທລະສັບເພື່ອກວດສອບ
ຫ້າມວາງໂທລະສັບມືຖືໃນບ່ອນທີ່ບໍ່ປອດໄພ ແລະ ບໍ່ລັອກເຄື່ອງ
ອອກຈາກເອຊີລີດາໂມບາຍທຸກຄັ້ງເມື່ອເຮັດທຸລະກຳສຳເລັດແລ້ວ
ປ່ຽນລະຫັດໃໝ່ເລື້ອຍໆ
ລະຫັດເອຊີລີດາໂມບາຍຈະຖືກລັອກທັນທີເມື່ອທ່ານໃສ່ລະຫັດບໍ່ຖືກ 03 ຄັ້ງ

ໃນກໍລະນີດັ່ງກ່າວ ທ່ານຕ້ອງໄດ້ປົດລັອກລະຫັດຢູ່ທີ່ເມນູ "ການຕັ້ງຄ່າ"
ເລຶອກ "ລືມລະຫັດ"
ຕື່ມຂໍ້ມູນໃຫ້ຖືກຕ້ອງ
ຈາກນັ້ນທ່ານຈະໄດ້ຮັບລະຫັດໃໝ່

ທ່ານຕ້ອງຮັກສາໂທລະສັບທີ່ລົງທະບຽນໄວ້ບ່ອນປອດໄພ. ຖ້າໂທລະສັບນັ້ນເສຍຫາຍ, ເປ່ເພ ກະລຸນາແຈ້ງທະນາຄານເພື່ອລະງັບບັນຊີ ຫຼື ດຳເນີນການທາງດ້ານເຕັກນິກເພື່ອປ້ອງກັນການສໍ້ໂກງທຸລະກຳ.
ກະລຸນາລຶບແອັບເອຊີລີດາໂມບາຍອອກຈາກໂທລະສັບຖ້າຫາກທ່ານຂາຍ ຫຼື ມອບໂທລະສັບຂອງທ່ານໃຫ້ຜູ້ອື່ນ

ໝາຍເຫດ: ກະລຸນາຕິດຕໍ່ສາຂາທີ່ໃກ້ທີ່ສຸດ ຫຼື ສູນປະຊາສຳພັນ ຂອງພວກເຮົາ.ສໍາລັບຄວາມຕ້ອງການການບໍລິການ ແລະ ຂໍ້ມູນເພີ່ມເຕີມ