ຜະລິດຕະພັນ&ບໍລິການດີຈິຕອລບໍລິການສັ່ງຈ່າຍຜ່ານອີເມລ/ແຟັກ

ບໍລິການສັ່ງຈ່າຍຜ່ານອີເມລ/ແຟັກ

ການສັ່ງຈ່າຍຜ່ານທາງ E-mail/Fax ຊ່ວຍໃຫ້ທ່ານຊຳລະສິນຄ້າ, ໂອນເງິນ, ຫຼືຖອນເງິນໃຫ້ຜູ້ຮັບຜົນປະໂຫຍດ ຫຼື ການດຳເນີນການອື່ນໆຕາມຄວາມຕ້ອງການຂອງທ່ານໄດ້ຢ່າງສະດວກສະບາຍໂດຍການສົ່ງ E-mail/Fax ມາທີ່ທະນາຄານ ເອຊີລີດາ ລາວ ຈຳກັດ.

ຄ່າທຳນຽມ

ຄ່າທຳນຽມດຳເນີນການ: 30.000 ກີບ, 3 ໂດລາ, 120 ບາດ
ຄ່າບໍລິການ: 20.000 ກີບ, 0,20 ໂດລາ, 10 ບາດຕໍ່ຄ້ັງ ບວກເພີ່ມຄ່າທຳນຽມໂອນເງິນພາຍໃນ (ຖ້າມີ)
ຄ່າທຳນຽມຍົກເລີກບໍລິການ: ບໍ່ເກັບຄ່າທຳນຽມ

ຄ່າທຳນຽມໃນເວັບໄຊຂອງພວກເຮົາແມ່ນແຈ້ງເພື່ອຈຸດປະສົງໃນການບົ່ງຊີ້ເທົ່ານັ້ນ ແລະ ອາດມີການປ່ຽນແປງ. ກະລຸນາຕິດຕໍ່ສູນປະຊາສຳພັນຂອງພວກເຮົາ ສໍາລັບຄວາມຕ້ອງການການບໍລິການ ແລະ ຂໍ້ມູນເພີ່ມເຕີມ

ວິທີການນຳໃຊ້

ກະລຸນາຕື່ມຂໍ້ມູນໃສ່ໃນແບບຟອມລົງທະບຽນໂດຍການໃຫ້ຊື່ທີ່ຖືກຕ້ອງ, ເລກບັນຊີ, ແລະ ບັດປະຈໍາຕົວທີ່ໃຊ້ໃນເວລາທີ່ທ່ານເປີດບັນຊີ ແລະ ໃຫ້ E-mail/Fax ຂອງທ່ານ;
ສົ່ງອີເມວ/ແຟັກໄປຫາຫົວໜ້າພະແນກບໍລິການ ຫຼື ຫົວໜ້າສາຂາທີ່ທ່ານໄດ້ລົງທະບຽນໃຊ້ບໍລິການ
ໃນເວລາໂອນເງິນ, ການຊໍາລະສິນຄ້າຂອງທ່ານ, ຫຼືການຖອນເງິນ, ກະລຸນາລະບຸຂໍ້ມູນສ່ວນບຸກຄົນຂອງທ່ານຢ່າງຊັດເຈນໃນ E-mail/Fax ຂອງທ່ານເຊັ່ນ: ຊື່, ເລກບັນຊີ, ຈໍານວນເງິນ, ຈຸດປະສົງ, ຫຼືເອກະສານອື່ນໆແລະ ແນ່ໃຈວ່າທ່ານມີຍອດເຫຼືອພຽງພໍໃນບັນຊີຂອງທ່ານ
ຖ້າທ່ານສັ່ງຈ່າຍດ້ວຍການແຟັກ (ໂທລະເລກ), ຕ້ອງມີລາຍເຊັນຂອງເຈົ້າຂອງບັນຊີ (ຜູ້ສະຫມັກ)
ລະບຸຂໍ້ມູນຜູ້ຮັບໃຫ້ຊັດເຈນ ແລະ ຖືກຕ້ອງ ດັ່ງນີ້:

ກໍລະນີມີບັນຊີ: ເລກບັນຊີ ແລະ ຊື່ບັນຊີ
ກໍລະນີບໍ່ມີບັນຊີ: ຊື່, ເພດ, ອາຍຸ, ເລກບັດປະຈຳຕົວ, ສຳມະໂນຄົວ ຫຼື ໜັງສືຜ່ານແດນ, ທີ່ຢູ່ຂອງຜູ້ຮັບ ແລະ ຂໍ້ມູນທະນາຄານຂອງຜູ້ຮັບ (ທ່ານຕ້ອງຕິດຕໍ່ຫາຜູ້ຮັບໂດຍກົງເພື່ອສະໜອງເອກະສານທີ່ຕ້ອງການ)
ແລະ ຕິດຕໍ່ຫາຫົວໜ້າພະແນກບໍລິການ ຫຼື ຫົວໜ້າສາຂາເພີ່ມຕື່ມເພື່ອຮັບຮອງ ຖ້າຫາກຜູ້ັຮັບມີຂໍ້ສົງໃສ ຫຼື ບໍ່ໄດ້ຮັບເງິນ