ຜະລິດຕະພັນ & ບໍລິການລູກຄ້າທຸລະກິດເງິນຝາກບັນຊີບຳນານ

ບັນຊີບຳນານ

ເພື່ອສະໜັບສະໜູນການພັດທະນາເສດຖະກິດຂອງປະເທດ ແລະ ຫຼຸດຄວາມສ່ຽງໃນການຮັກສາເງິນສົດດ້ວຍຕົນເອງ, ທະນາຄານ ເອຊີລີດາ ລາວ ໄດ້ສ້າງບໍລິການເງິນຝາກຂຶ້ນເຊິ່ງເອີ້ນວ່າ: ບັນຊີບຳນານ, ເຊິ່ງທະນາຄານເຮັດໜ້າທີ່ໃນການຮັກສາ, ຄຸ້ມຄອງ ແລະ ຈັດການເງິນສົດທີ່ທ່ານ ຫຼື ບຸກຄົນທີສາມໄດ້ຝາກເງິນເຂົ້າໃນບັນຊີນີ້ກັບທະນາຄານເພື່ອຈຸດປະສົງໃນການໃຊ້ຈ່າຍສ່ວນຕົວ ຫຼື ໃນຄອບຄົວຫຼັງກະສຽນ.

ຜົນປະໂຫຍດ

ມີຄວາມປອດໄພໃນການຮັກສາຄຸ້ມຄອງ ແລະ ຈັດການເງິນສົດເພື່ອປະໂຫຍດສ່ວນຕົວຫຼັງກະສຽນ
ໄດ້ຮັບອັດຕາດອກເບ້ຍສູງກວ່າບັນຊີຝາກປະຢັດທຳມະດາ
ຍົກລະດັບມາດຕະຖານຊີວິດການເປັນຢູ່ຫຼັງກະສຽນ
ມີໂອກາດໄດ້ນຳໃຊ້ຜະລິດຕະພັນ-ບໍລິການອື່ນໆຂອງທະນາຄານ

ຄຸນລັກສະນະພິເສດ

ເປັນບັນຊີທີ່ໃຊ້ປຶ້ມບັນຊີເງິນຝາກ ຫຼື ບັດຂໍ້ມູນບັນຊີລູກຄ້າ
ອັດຕາດອກເບ້ຍສູງກວ່າບັນຊີຝາກປະຢັດ, ຄິດໄລ່ດອກເບ້ຍທຸກວັນ ແລະ ມອບເຂົ້າບັນຊີທຸກໆທ້າຍປີ
ຈຳນວນເງິນຝາກຂຶ້ນກັບການຕົກລົງລະຫວ່າງທະນາຄານ ເອຊີລີດາ ລາວ ແລະ ລູກຄ້າ
ສາມາດຖອນເງິນໄດ້ຕາມຄວາມຕ້ອງການເມື່ອອາຍຸຮອດກະສຽນບຳນານ ໂດຍອີງຕາມກົດໝາຍແຮງງານຂອງ ສປປ ລາວ
ສາມາດຖອນເງິນໄດ້ກ່ອນອາຍຸຮອດກະສຽນບຳນານ ໂດຍມີຄ່າທຳນຽມ

ສະກຸນເງິນ

ທະນາຄານ ເອຊີລີດາ ລາວ ໃຫ້ບໍລິການບັນຊີບຳນານສະກຸນເງິນກີບ

ຍອດເງິນໃນບັນຊີ

ວົງເງິນເລີ່ມຕົ້ນຝາກ 200.000 ກີບ

ອັດຕາດອກເບ້ຍ

ອັດຕາດອກເບ້ຍຂອງບັນຊີບຳນານແມ່ນ 5,70% ຕໍ່ປີ

ສຳລັບລາຍລະອຽດ ກະລຸນາຕິດຕໍ່ພະນັກງານບໍລິການໄດ້ທຸກສາຂາຂອງທະນາຄານ ເອຊີລີດາ ລາວ