ຜະລິດຕະພັນ & ບໍລິການລູກຄ້າທຸລະກິດກອງທຶນການຄ້າ

ກອງທຶນການຄ້າ

ຄວາມສໍາເລັດທາງທຸລະກິດຂອງທ່ານຂຶ້ນຢູ່ກັບຫຼາຍປັດໃຈ. ສິ່ງທີ່ສໍາຄັນແມ່ນການຮ່ວມມືກັບທະນາຄານທີ່ທ່ານສາມາດໄວ້ວາງໃຈໄດ້ຕະຫຼອດເວລາ. ທະນາຄານ ເອຊີລີດາ ລາວ ຈໍາກັດ ທຸກສາຂາ ສາມາດໃຫ້ຄວາມຊ່ວຍເຫຼືອທຸລະກິດຂອງທ່ານ ດ້ວຍລະບົບເຕັກໂນໂລຊີຂໍ້ມູນຂ່າວສານລະດັບໂລກ.

ເປົ້າໝາຍຂອງພວກເຮົາຄືການສະຫນັບສະໜູນດ້ານການເງິນທຸກຮູບແບບໃຫ້ແກ່ທ່ານດ້ວຍການປັບໃຫ້ແທດເໝາະກັບຄວາມຕ້ອງການຂອງບໍລິສັດຂອງທ່ານ.

ໃນປັດຈຸບັນ ພວກເຮົາໃຫ້ບໍລິການກອງທຶນການຄ້າດັ່ງນີ້:

Documentary Collection

Import Documentary Collection
ແມ່ນເອກະສານທີ່ທະນາຄານ ເອຊີລີດາ ໃນນາມຂອງຜູ້ຊື້ໄດ້ຮັບໃບຮຽກເກັບເງິນນໍາເຂົ້າຈາກທະນາຄານໃນນາມຂອງຜູ້ຂາຍ, ເຊັ່ນ: ໃບບິນ, ໃບເກັບເງິນ, ໃບແຈ້ງຂົນສົ່ງສິນຄ້າ ແລະ ອື່ນໆ. ໂດຍຂໍໃຫ້ທະນາຄານ ເອຊີລີດາ ສະແດງເອກະສານຕໍ່ຜູ້ຊື້ເພື່ອຮັບປະກັນວ່າເອກະສານເຫຼົ່ານີ້ແມ່ນສອດຄ່ອງກັບຂໍ້ກໍານົດທີ່ຈະຈ່າຍເງິນໃນທັນທີ ຫຼື ຍອມຮັບການຊໍາລະເງິນພາຍຫຼັງ.
Export Documentary Collection
ຜູ້ຂາຍໄດ້ຮັບເອກະສານການຂົນສົ່ງເຊັ່ນ: ໃບນຳສົ່ງສິນຄ້າ, ໃບຮັບຮອງປະກັນໄພ, ໃບກັຳກັບສິນຄ້າ, ໃບຮັບຮອງການກວດສອບ ແລະ ອື່ນໆ ເພື່ອຂໍໃຫ້ທະນາຄານ ເອຊີລີດາ ສົ່ງຕໍເອກະສານເຫຼົ່ານີ້ໄປຍັງທະນາຄານຂອງຜູ້ຊື້.

ໜັງສືສິນເຊື່ອ

Documentary Credit ແມ່ນສັນຍາທີ່ອອກໂດຍທະນາຄານ ເອຊີລີດາ ລາວ ຈຳກັດ ອີງຕາມການສະເໜີຂໍຂອງຜູ້ນຳເຂົ້າ (ຜູ້ຊື້) ເພື່ອຮັບປະກັນການຊຳລະຄ່າສິນຄ້າໃຫ້ຜູ້ສົ່ງອອກ(ຜູ້ຂາຍ)ຢ່າງຖືກຕ້ອງ ຖ້າຫາກຜູ້ສົ່ງອອກປະຕິບັດຕາມເງື່ອນໄຂສັນຍາທີ່ລະບຸໃນ Documentary Credit ແລະ ການຮັບຮອງນີ້ແມ່ນຈະເຮັດຜ່ານທະນາຄານຂອງຜູ້ຊື້ ຫຼື ຜູ້ຂາຍ.

ໜັງສືສິນເຊື່ອ (ນຳເຂົ້າ)
ໜັງສືສິນເຊື່ອ (ນຳເຂົ້າ) ແມ່ນການບໍລິການປະເພດໜຶ່ງທີ່ທະນາຄານ ເອຊີລີດາ ລາວ ຈຳກັດ ອອກເອກະສານໃນນາມຂອງຜູ້ຊື້ເພື່ອຮັບປະກັນໃນການຊຳລະຢ່າງຖືກຕ້ອງໃຫ້ແກ່ຜູ້ຂາຍຖ້າຫາກຜູ້ຂາຍປະຕິບັດຕາມສັນຍາທີ່ລະບຸໃນໜັງສືສິນເຊື່ອ.
ໜັງສືສິນເຊື່ອ (ສົ່ງອອກ)
ໜັງສືສິນເຊື່ອ (ສົ່ງອອກ) ເປັນການບໍລິການທີ່ທະນາຄານ ເອຊີລີດາເຮັດໜ້າທີ່ແຈ້ງ ຫຼື ຢືນຢັນ ເພື່ອຄ້ຳປະກັນການຊໍາລະຄ່າສິນຄ້າ ຫຼື ການບໍລິການອື່ນໆໃຫ້ຜູ້ຂາຍຕາມໜັງສືສິນເຊື່ອທີ່ທະນາຄານຜູ້ຊື້ອອກ. ໃນນັ້ນ ທະນາຄານເອຊີລີດາ ມີບົດບາດໃນການຕິດຕາມກວດກາຄວາມຖືກຕ້ອງຂອງໜັງສືສິນເຊື່ອ ໂດຍທຽບໃສ່ສັນຍາການຊື້-ຂາຍສິນຄ້າ.

ໜັງສືຄ້ຳປະກັນ

ທ່ານຈຳເປັນຕ້ອງມີໜັງສືຄຳ້ປະກັນຈາກທະນາຄານໃນການດຳເນີນທຸລະກຳທາງທຸລະກິດຂະໜາດໃຫຍ່ ຫຼື ດຳເນີນໂຄງການທີ່ມີມູນຄ່າສູງ. ໂດຍອີງຕາມວັດຖຸປະສົງ ແລະ ຄວາມຕ້ອງການທີ່ແຕກຕ່າງກັນ, ທະນາຄານ ເອຊີລີດາ ລາວ ຈຳກັດ ມີບໍລິການໜັງສືຄ້ຳປະກັນຫຼາກຫຼາຍປະເພດ ເຊິ່ງທ່ານສາມາດນຳໃຊ້ຕາມຄວາມຕ້ອງການ.

ການຄຳ້ປະກັນການຂົນສົ່ງ
ການຄໍ້າປະກັນການຂົນສົ່ງ: ແມ່ນໜັງສືປະເພດໜຶ່ງທີ່ອອກໃຫ້ໂດຍທະນາຄານ ເອຊີລີດາ ໃນນາມຜູ້ນໍາເຂົ້າ (ຜູ້ຊື້) ເພື່ອຄຳ້ປະກັນກັບບໍລິສັດຂົນສົ່ງສຳລັບຄວາມເສຍຫາຍ, ຄວາມສ່ຽງຕ່າງໆໃນການປ່ອຍສິນຄ້າອອກໃຫ້ຜູ້ນຳເຂົາໂດຍບໍ່ມີເອກະສານ. ຄວາມຕ້ອງການເອກະສານນີ້ຈະເກີດຂຶ້ນເມື່ອສິນຄ້າມາຮອດຈຸດຫມາຍປາຍທາງກ່ອນທີ່ເອກະສານສິນຄ້າຕົ້ນສະບັບຈະມາຮອດ.
ໜັງສືຄ້ຳປະກັນການມັດຈຳເງິນ
ໜັງສືຄ້ຳປະກັນການມັດຈຳເງິນແມ່ນໜັງສືທີ່ອອກໂດຍທະນາຄານ ເອຊີລີດາ ລາວ ຈຳກັດ ເພື່ອຊຳລະເງິນໃຫ້ກັບຜູ້ຮັບຜົນປະໂຫຍດຕາມສັນຍາ, ຜູ້ຮັບຜົນປະໂຫຍດສາມາດຂໍຊຳລະເງິນຈາກທະນາຄານໄດ້ໃນກໍລະນີທີ່ ຜູ້ສະເໜີຂໍບໍ່ສາມາດ ຫຼື ບໍ່ປະຕິບັດຕາມສັນຍາ/ຂໍ້ຕົກລົງທີ່ລະບຸໄວ້
ໜັງສືຄ້ຳປະກັນການປະມູນ
ໜັງສືຄ້ຳປະກັນການປະມູນແມ່ນເອກະສານທີ່ອອກໃຫ້ລູກຄ້າຂອງທະນາຄານ ເອຊີລີດາ ເພື່ອປະຕິບັດຕາມເງື່ອນໄຂການປະມູນ ແລະ ຮັບປະກັນການຮຽກຮ້ອງໃດໆຈາກບຸກຄົນທີສາມ.
ໜັງສືຄ້ຳປະກັນການຊຳລະເງິນ
ໜັງສືຄຳ້ປະກັນການຊຳລະເງິນແມ່ນໜັງສືທີ່ອອກໃຫ້ລູກຄ້າຂອງ ທະນາຄານ ເອຊີລີດາ ເພື່ອຮັບປະກັນການຊຳລະເງິນຄືນໃຫ້ກັບບຸກຄົນທີສາມ
ໜັງສືຄ້ຳປະກັນການຊຳລະເງິນລ່ວງໜ້າ
ໜັງສືຄ້ຳປະກັນການຊຳລະເງິນລ່ວງໜ້າແມ່ນໜັງສືຄ້ຳປະກັນທີ່ທະນາຄານອອກໃຫ້ແກ່ລູກຄ້າຂອງທະນາຄານ ເອຊີລີດາ ເພື່ອຄ້ຳປະກັນການປະຕິບັດສັນຍາທີ່ໄດ້ຮັບການຊຳລະເງິນລ່ວງໜ້າໂດຍບຸກຄົນທີສາມ
ໜັງສືຄ້ຳປະກັນການປະຕິບັດສັນຍາ
ໜັງສືຄໍ້າປະກັນການປະຕິບັດສັນຍາແມ່ນໜັງສືຄ້ຳປະກັນທີ່ທະນາຄານອອກໃຫ້ແກ່ລູກຄ້າຂອງທະນາຄານ ເອຊີລີດາ ເພື່ອຮັບປະກັນການດຳເນີນໂຄງການ, ໂດຍສະເພາະແມ່ນໂຄງການກໍ່ສ້າງທີ່ເປັນຂອງບຸກຄົນທີສາມ

ໝາຍເຫດ: ລູກຄ້າຕ້ອງມີບັນຊີກັບທະນາຄານ ເອຊີລີດາ ລາວ ຈຳກັດ ເພື່ອນຳໃຊ້ການບໍລິການກອງທຶນການຄ້າ. ຖ້າຫາກທ່ານຍັງບໍ່ມີບັນຊີ ກະລຸນຕິດຕໍ່ສຳນັກງານຂອງພວກເຮົາກ່ຽວກັບການເປີດບັນຊີ