ຜະລິດຕະພັນ & ບໍລິການລູກຄ້າທຸລະກິດການບໍລິຫານເງິນສົດບໍລິການເບີກຈ່າຍເງິນເດືອນ

ບໍລິການເບີກຈ່າຍເງິນເດືອນ

ບໍລິການເບີກຈ່າຍເງິນເດືອນແມ່ນການຈ່າຍເງິນເດືອນໃຫ້ພະນັກງານຂອງບໍລິສັດຜ່ານທະນາຄານ ໂດຍທະນາຄານຈະບັນທຶກເງິນເຂົ້າບັນຊີຝາກປະຢັດ ຫຼື ບັນຊີກະແສລາຍວັນຂອງພວກເຂົາ. ນອກຈາກນີ້, ການບໍລິການເບີກຈ່າຍເງິນເດືອນຍັງສ້າງຂຶ້ນມາເພື່ອຫຼຸດຄວາມສ່ຽງໃຫ້ກັບລູກຄ້າທີ່ອາດເກີດຂຶ້ນໃນລະຫວ່າງການຂົນສົ່ງເງິນສົດເປັນຈຳນວນຫຼາຍຈາກບ່ອນໜຶ່ງໄປຍັງບ່ອນອື່ນໆເພື່ອຈ່າຍເງິນເດືອນໃຫ້ກັບພະນັກງານ. ການບໍລິການນີ້ມີຜົນປະປະໂຫຍດຕໍ່ອົງກອນ ແລະ ພະນັກງານ

ຜົນປະໂຫຍດ

ສະດວກສະບາຍແລະ ຫຼຸດຄວາມສ່ຽງ ຕໍ່ຂະບວນການຈ່າຍເງິນເດືອນ
ສົ່ງເສີມໃຫ້ພະນັກງານໄດ້ໃຊ້ບໍລິການທີ່ທັນສະໄໝ
ເພີ່ມຄວາມເຊື່ອໝັ້ນ ແລະ ຄວາມໂປ່ງໃສໃນການຈ່າຍເງິນເດືອນໃຫ້ພະນັກງານ
ຫຼຸດເວລານຳໃຊ້ໃນການນັບເງິນ ແລະ ບໍລິການວ່ອງໄວ
ຫຼຸດຕົ້ນທຶນໃນການຈ້າງຜູ້ຮັບຜິດຊອບໃນການຈ່າຍເງິນເດືອນໃຫ້ພະນັກງານ
ຫຼຸດຄວາມສ່ຽງໃນການຖືເງິນສົດເພື່ອຈ່າຍເງິນເດືອນໃຫ້ພະນັກງານ

ຄຸນລັກສະນະ

ໃຫ້ທາງເລືອກແກ່ບໍລິສັດ ຫຼື ສະຖາບັນສຳລັບການຈ່າຍເງິນເດືອນເຂົ້າບັນຊີຝາກປະຢັດ ຫຼື ບັນຊີກະແສລາຍວັນຂອງພະນັກງານຂອງເຂົາເຈົ້າໂດຍອີງຕາມລາຍຊື່ທີ່ໄດ້ມອບໃຫ້ທະນາຄານ ເອຊີລີດາ ຕາມທີ່ລະບຸໃນສັນຍາ.
ຈ່າຍເງິນເດືອນໃຫ້ພະນັກງານໄດ້ທຸກແຂວງ ແລະ ທົ່ວປະເທດ
ພະນັກງານຂອງບໍລິສັດ ຫຼື ສະຖາບັນສາມາດຖອນເງິນເດືອນໄດ້ຢູ່ທຸກສາຂາຂອງທະນາຄານຂອງທະນາຄານ ເອຊີລີດາ ທົ່ວປະເທດ

ສະກຸນເງິນ

ທະນາຄານໃຫ້ບໍລິການເບີກຈ່າຍເງິນເດືອນເປັນສະກຸນເງິນກີບ,ໂດລາ, ບາດ

ຄ່າທຳນຽມ

ລາຍການ	ຄ່າທຳນຽມ
ຄ່າທຳນຽມຕໍ່ທຸລະກຳ (ກໍລະນີມີບັນຊີເງິນເດືອນກັບທະນາຄານ)	2.000 ກີບ	0,3 ໂດລາ	10 ບາດ
ຄ່າທຳນຽມຕໍ່ທຸລະກຳ (ກໍລະນີບໍ່ມີບັນຊີເງິນເດືອນກັບທະນາຄານ)	5.000 ກີບ	0,7 ໂດລາ	20 ບາດ

ຄ່າທຳນຽມສະແດງເພື່ອຈຸດປະສົງຊີ້ບອກເທົ່ານັ້ນ ແລະ ອາດມີການປ່ຽນແປງໄດ້. ສໍາລັບການບໍລິການ ແລະ ຂໍ້ມູນເພີ່ມເຕີມ ກະລຸນາຕິດຕໍ່ຫາສາຂາທີ່ໃກ້ຄຽງ ຫຼື ສູນປະຊາສຳພັນ ຂອງພວກເຮົາ.