ຜະລິດຕະພັນ & ບໍລິການລູກຄ້າທຸລະກິດເງິນຝາກບັນຊີຝາກສະສົມເພື່ອສຸຂະພາບ

ບັນຊີຝາກສະສົມເພື່ອສຸຂະພາບ

ເພື່ອອຳນວຍຄວາມສະດວກໃຫ້ກັບລະບົບການດູແລະຮັກສາສຸຂະພາບ, ທະນາຄານ ເອຊີລີດາ ລາວ ມີຄວາມຍິນດີນຳສະເໜີການບໍລິການຝາກປະຢັດຮູບແບບໃໝ່ທີ່ມີຊື່ວ່າ: ບັນຊີຝາກສະສົມເພື່ອສຸຂະພາບ, ເຊິ່ງທະນາຄານ ເອຊີລີດາ ລາວ ເຮັດໜ້າທີ່ໃນການດູແລຮັກສາ ແລະ ຈັດການເງິນສົດໃຫ້ກັບບຸກຄົນ ຫຼື ອົງກອນທີ່ນຳມາຝາກເພື່ອຈຸດປະສົງໃນການນຳໃຊ້ເປັນຄ່າໃຊ້ຈ່າຍໃນການກວດສຸຂະພາບ, ການຮັກສາ ແລະ ປິ່ນປົວຂອງເຈົ້າຂອງບັນຊີ, ສະມາຊິກໃນຄອບຄົວ, ຍາດພີ່ນ້ອງ, ພະນັກງານ ຫຼື ບຸກຄົນທີສາມ

ເຈົ້າຂອງບັນຊີ ຫຼື ບຸກຄົນທີສາມສາມາດຝາກເງິນເຂົ້າບັນຊີໄດ້ເພື່ອນຳໃຊ້ເປັນຄ່າໃຊ້ຈ່າຍເຂົ້າໃນການຮັກສາສຸຂະພາບຂອງຜູ້ຮັບຜົນທຸກຄົນໂດຍອີງຕາມຈຳນວນເງິນຕົວຈິງທີ່ລະບຸໃນໃບບິນ ແລະ ເງື່ອນໄຂທີ່ລະບຸໃນຂໍ້ກຳນົດ ແລະ ເງື່ອນໄຂຂອງບັນຊີຝາກສະສົມເພື່ອສຸຂະພາບຂອງທະນາຄານ ເອຊີລີດາ

ຜົນປະໂຫຍດ

ມີຄວາມປອດໄພສຳລັບການດູແລຮັກສາ ແລະ ຈັດການເງິນສຳລັບຄ່າໃຊ້ຈ່າຍໃນການປິ່ນປົວຂອງເຈົ້າຂອງບັນຊີ, ສະມາຊິກຄອບຄົວ, ຍາດພີ່ນ້ອງ ຫຼືບຸກຄົນທີສາມ (ຜູ້ຮັບຜົນ)
ມີທຶນສຳຮອງພຽງພໍສຳລັບໃຊ້ຈ່າຍຄ່າດູແລສຸຂະພາບທີ່ບໍ່ໄດ້ວາງແຜນໄວ້
ມີລາຍຮັບເພີ່ມຈາກອັດຕາດອກເບ້ຍ
ມີຄວາມພ້ອມສຳລັບຄ່າໃຊ້ຈ່າຍໃນການປິ່ນປົວສຸຂະພາບຂອງຄົນໃນຄອບຄົວທ່ານ

ຄຸນລັກສະນະພິເສດ

ເປັນບັນຊີທີ່ໃຊ້ປຶ້ມບັນຊີເງິນຝາກ ຫຼື ບັດຂໍ້ມູນບັນຊີລູກຄ້າ
ອັດຕາດອກເບ້ຍສູງກວ່າບັນຊີຝາກປະຢັດ
ຄິດໄລ່ດອກເບ້ຍທຸກວັນ ແລະ ມອບເຂົ້າບັນຊີທຸກໆ 6 ເດືອນ
ສາມາດປິດບັນຊີໄດ້ໂດຍອີງຕາມການຕົກລົງຂອງທຸກຝ່າຍທີ່ກ່ຽວຂ້ອງ
ການຝາກເງິນ: ນອກຈາກເຈົ້າຂອງບັນຊີແລ້ວ ຄົນໃນຄອບຄົວ, ຍາດພີ່ນ້ອງ, ອົງກອນ ຫຼື ສະຖາບັນກໍ່ສາມາດຝາກເງິນເຂົ້າບັນຊີໄດ້
ການຖອນເງິນ: ສາມາດເຮັດໄດ້ຕາມຈຸດປະສົງ ແລະ ເງື່ອນໄຂຂອງບັນຊີ, ແຕ່ໃນກໍລະນີການຖອນເງິນທີ່ບໍ່ກົງກັບຈຸດປະສົງຂອງບັນຊີ ທ່ານຈະຕ້ອງໄດ້ເສຍຄ່າທຳນຽມ

ຍອດເງິນໃນບັນຊີ

ບັນຊີຝາກສະສົມເພື່ອສຸຂະພາບຕ້ອງມີວົງເງິນເລີ່ມຕົ້ນຝາກ 200.000 ກີບ, ທຸກຄັ້ງທີ່ມີການຖອນເງິນອອກ ທ່ານຕ້ອງຮັກສາຍອດເງິນຕ່ຳສຸດໃນບັນຊີ 100.000 ກີບ

ອັດຕາດອກເບ້ຍ

ອັດຕາດອກເບ້ຍຂອງບັນຊີຝາກສະສົມເພື່ອສຸຂະພາບແມ່ນ 3,80% ຕໍ່ປີ. ຄິດໄລ່ດອກເບ້ຍທຸກວັນ ແລະ ມອບເຂົ້າບັນຊີທຸກໆ 6 ເດືອນ